افغانستان کرکٹ بورڈ اور ابوظہبی کرکٹ حکام کےدرمیان پانچ سالہ معاہدے پر دستخط ہوگئے ہیں اورافغانستان کرکٹ بورڈ نے ابوظہبی کو اپنا ہوم وینیو بنالیا ہے۔معاہدے کے تحت اے سی بی متحدہ عرب امارات کے مختلف اسٹیڈیمز میں سینیئر ٹیم کی دو طرفہ سیریز کا انعقاد جاری رکھے گا جبکہ افغان کرکٹ بورڈ کو بین الاقوامی سطح پر اپنی سرگرمیوں کو وسعت دینے اور کھلاڑیوں کی تربیت کے لیے بھی معاونت فراہم کی جائے گی۔اس معاہدے کے تحت 2025ء سے 2029ء تک افغانستان کرکٹ ٹیم کے کیمپس اور ہوم میچز ابوظہبی میں ہوں گے۔
