وزیراعلیٰ سندھ سید مراد علی شاہ کی زیر صدارت شہید ذوالفقار علی بھٹو کی 46 ویں یوم شہادت کے انتظامات کے حوالے سے اجلاس منعقدہوا۔وزیراعلیٰ سندھ نے اجلاس سےگفتگوکرتے ہوئے کہاکہ شہید عوام کی 46 ویں برسی کا پروگرام بھرپور انداز میں منعقد کیا جائے گا۔ذوالفقار علی بھٹو کی شہادت مسلم دنیا کا بہت بڑا سانحہ تھا۔ان کاکہناتھاکہ جلسہ میں آنے والی عوام کے لیئے ضروری سہولیات کے انتظامات کیلئے جائیں۔پارکنگ کے خصوصی انتظامات ہوں تاکہ کسی کو تکلیف نہیں ہو۔جلسہ گاہ میں آنے اور جانے والے راستوں کو الگ رکھا جائے تاکہ ٹریفک جام نہ ہو۔پینے کا پانی، واش رومز اور دیگر سہولیات کا بہتر انتظام کیا جائے۔وزیراعلیٰ سندھ نے 4 اپریل کے پروگرام کی سکیورٹی انتظامات کا جائزہ بھی لیا۔بھٹو کے برسی پروگرام کے انتظامات سے متعلق وزیراعلیٰ سندھ کو کمشنر لاڑکانو طاہر سانگی نے بریفنگ دی۔
