ڈیجیٹل دنیاسے بالکل الگ ایک کیفے۔انٹرنیٹ،موبائل فون سے دُوری اورکتاب کے مطالعہ کی ترغیب دی جاتی ہے

پاکستان کے شہر کراچی میں ایک قدیم گھر کے عقبی حصے میں واقع یہ ماضی کیفے ہے جو ڈیجیٹل دنیا سے الگ زیادہ وقت گذارنے، سکرین کا وقت کم کرنے اور حقیقی زندگی میں روابط قائم کرنے کے خواہشمند لوگوں کے لیے ایک پناہ گاہ کے طور پر قائم کیا گیا ہے۔
کیفے کی ترتیب بھی کافی پُرسکون ہے اور اس کے پرانی یادوں سے وابستہ حسن میں اضافہ کرتی ہے: ایک قدیم گھر کے عقب میں بلند و بالا درخت تلے نیم روشنی والا ماحول ہے۔ پانچ عشرے قدیم اس گھر میں ایک ڈاکٹر آصف جلیل اور ان کی اہلیہ اقصیٰ نے گذشتہ سال اکتوبر میں یہ کیفے کھولا تھا۔ یہاں کوئی انٹرنیٹ نہیں ہے اور زائرین کو ایک کپ کافی یا چائے پر گفتگو کرنے یا کیفے کی لائبریری سے کتابیں پڑھنے کی ترغیب دی جاتی ہے۔
اقصیٰ نے ایک نیوز ویب سائٹ کو بتایاکہ”یہ خیال ہم دونوں کے ذہن کی اختراع ہے کیونکہ ہم دونوں ایک جوڑے کی حیثیت سے کافی پسند کرتے تھے۔ جب ہم اپنے اس گھر کے عقبی حصے میں بیٹھتے تھے تو ہم نے سوچا کیوں نہ ایک ایسی جگہ بنائی جائے جہاں ہم موبائل فون استعمال نہ کر سکیں اور اس کے بجائے ہم ایک دوسرے سے بات کریں۔ ہم ہمیشہ پرامن اور پرسکون ماحول میں بیٹھ کر صرف درختوں کو دیکھ اور پرندوں کی چہکار سن سکیں۔”کیفے کے قریب موجوددرخت پر نصب بورڈ پر یہ الفاظ لکھے ہیں: “ہمارے پاس وائی فائی نہیں ہے۔ ایک دوسرے سے بات کریں۔ یوں ظاہر کریں یہ 1995 ہے۔”