پاکستان اور بیلاروس نے باہمی روابط اور دو طرفہ تعاون کو بڑھانے کے لیے مشترکہ عزم کا اظہارکیاہے۔وفاقی وزیر عبدالعلیم خان بیلاروس کے وزیر ٹرانسپورٹ سے گفتگو کرتے ہوئے کہا کہ پاکستان اور بیلاروس کے درمیان زمینی رابطوں پر پہلے سے پیشرفت جاری ہے،دونوں ملک شاہراہوں کے ذریعے باہمی تجارت کو فروغ دے سکتے ہیں،تجارتی راہداری سے وسط ایشیاء اور یورپ تک رسائی حاصل ہو سکتی ہے۔انہوں نے کہا کہ تجارتی اعتبار سے بیلاروس کو خطے میں اہم جغرافیائی حیثیت حاصل ہے،پاکستان میں موٹرویز کے شعبے میں بیرونی سرمایہ کاری کے متمنی ہیں۔وفاقی وزیر مواصلات نے کہا کہ وزیر اعظم پاکستان محمد شہباز شریف بھی رواں ماہ بیلا روس کا اہم ترین دورہ کریں گے۔
