بھارت کے ایک گاؤں میں نوجوان اپنی شادی کی درخواست لے کر علاقائی تھانے جا پہنچا اور جب اپنی درخواست وہاں پیش کی تو پولیس بھی حیران رہ گئی۔پولیس افسر نے نوجوان کو پیار سے سمجھایا کہ پولیس کا کام لوگوں کے رشتے کرانا نہیں ہوتا۔ انہوں نے نوجوان کو مشورہ دیا کہ وہ اس بارے میں اپنے گھر والوں سے بات کرے۔ پولیس اس معاملے میں مداخلت نہیں کر سکتی۔بھارتی میڈیا کے مطابق نوجوان نے تھانے جا کر پولیس کو درخواست دی جس میں گزارش کی گئی کہ وہ اس کے لیے ایسی دلہن تلاش کرے جو ایم اے پاس یا کم از کم گریجویٹ ہو۔نوجوان نے ایس ایچ او سے ہاتھ جوڑ کر التجا کرنے والے انداز میں کہا کہ وہ اس لیے پریشان ہے کہ اس کی شادی نہیں ہو رہی۔پولیس افسر اور تھانے کا عملہ یہ درخواست دیکھ کر حیران رہ گیا اور کئی زیر لب مسکراتے رہے اور اسے سمجھاتے رہے۔
