وزیراعلی مریم نواز کی ہدایت پرلاہورکے 65تجارتی مراکزپرسیکورٹی سخت اورون ویلنگ کی روک تھام کے لیے ناکے لگا دئیے گئے

وزیراعلی پنجاب مریم نواز شریف نے چاند رات اورعیدالفطر پر فول پروف سکیورٹی انتظامات کا حکم دیتے ہوئے کہاہے کہ چاند رات پر بازاروں میں ویمن پولیس سکواڈ کے گشت کو بڑھایاجائے۔بازاروں میں خواتین اور بچوں کا تحفظ ہر صورت یقینی بنایاجائے۔وزیراعلی کی ہدایت پرلاہور کے 65تجارتی مراکز پر اضافی نفری تعینات بازاروں اور مارکیٹوں میں نگرانی کے لئے ڈرون کیمروں اور نائٹ ویژن دوربین کا استعمال شروع کیاگیاہے۔چاند رات پر روڈز پر ون ویلنگ کی روک تھام کے لئے 55مقامات پر ناکہ بندی کی گئی ہے۔ اے ٹی ایم اور بینکوں کے اطراف میں 225مقامات پر پولیس اہلکاروں کی ڈیوٹی لگا دی گئی ہے۔بازاروں اور مارکیٹوں میں سماج دشمن عناصر کی آمدورفت کی کڑی مانیٹرنگ کی جارہی ہے۔