“گلوبل امپیکٹ وژن 2030 “کاروباری حکمت عملی،توانائی، تعلیم، صحت اور مختلف شعبوں میں بامقصد تبدیلی لانے کے لیے تشکیل دیا گیاہے
کرکٹ کے لیجنڈ وسیم اکرم اور میر گروپ نے گلوبل امپیکٹ وژن 2030 کے تحت شراکت داری کا اعلان کیا ہے۔ یہ اسٹریٹیجک تعاون میر گروپ کے عالمی برادریوں پر مثبت اثر ڈالنے کے عزم کو اجاگر کرتا ہے، جو پائیدار اور مؤثر منصوبوں کے ذریعے دنیا بھر میں ترقی کو فروغ دینے کا عہد رکھتا ہے۔
میر گروپ کا گلوبل امپیکٹ وژن 2030 پائیدار کاروباری حکمت عملی، صاف توانائی، تعلیم، صحت اور عالمی تعاون کے مختلف شعبوں میں دیرپا اور بامقصد تبدیلی لانے کے لیے تشکیل دیا گیا ہے۔ اس اقدام کے ذریعے میر گروپ جدت کو فروغ دینے، سماجی بہبود کو بڑھانے اور سبز ٹیکنالوجیز اور سرمایہ کاری کے مواقع کی قیادت کرنے کے لیے پرعزم ہے۔
وسیم اکرم، جو اپنی شاندار کرکٹنگ کیریئر اور فلاحی سرگرمیوں کے لیے مشہور ہیں، اس شراکت داری میں ایک مضبوط سماجی ذمے داری کے جذبے کے ساتھ شامل ہو رہے ہیں۔ ان کی عالمی شناخت اور مثبت تبدیلی کے عزم کو میر گروپ کے چیئرمین شکیل احمد میر کے اثر انگیز سرمایہ کاری اور عالمی نیٹ ورک کے ساتھ جوڑ کر پائیداری، جدت اور بین الاقوامی تعاون کے ذریعے نمایاں سماجی اثرات حاصل کیے جائیں گے۔
شکیل احمد میر نے کہا، ”ہم وسیم اکرم کو میر گروپ کے خاندان میں خوش آمدید کہتے ہیں۔ ان کی شاندار کامیابیاں، میدان کے اندر اور باہر، اور ان کا انسانی ہمدردی کے لیے غیر متزلزل عزم ہمارے اقدار اور وژن سے مکمل طور پر ہم آہنگ ہے۔ ہم مل کر آنے والی نسلوں کے لیے ایک بہتر مستقبل تشکیل دیں گے۔”
وسیم اکرم نے اس شراکت داری کے حوالے سے اپنے جوش و خروش کا اظہار کرتے ہوئے کہا، ”میں میر گروپ کے ساتھ شراکت داری اور گلوبل امپیکٹ وژن 2030 میں اپنا حصہ ڈالنے کے لیے پُرجوش ہوں۔ میرا ماننا ہے کہ مل کر کام کرتے ہوئے ہم کمیونٹیز کو بااختیار بنا سکتے ہیں، پائیدار ترقی کو فروغ دے سکتے ہیں اور لاکھوں افراد کی زندگیوں میں مثبت تبدیلی لا سکتے ہیں۔”
یہ شراکت داری مختلف کلیدی منصوبوں پر مرکوز ہوگی، جن میں الیکٹرک بائیکس کی تیاری اور تجارتی پہلو، سبز توانائی کی پیداوار، غیر ہنر مند مزدوروں کے لیے تربیتی پروگرام، سمارٹ اور پائیدار شہروں کی ترقی، خواتین کو بااختیار بنانے کے پروگرام، میڈیکل سینٹرز کا وسیع نیٹ ورک، اور ایسی کمپنیوں کے لیے سرمایہ کاری اور تیز تر ترقی کے مواقع شامل ہیں جو پائیدار اور سبز مستقبل کی تخلیق میں مصروف ہیں۔
شکیل احمد میر اور وسیم اکرم پر امید ہیں کہ یہ شراکت داری مثبت تبدیلی کی تحریک دے گی اور ایک زیادہ پائیدار اور مساوی دنیا کے قیام میں اہم کردار ادا کرے گی۔
