وفاقی وزیرداخلہ محسن نقوی کی آزاد کشمیر کے علاقے باغ میں شہید میجر سعد بن زبیر کی رہائش گاہ آمد۔وزیرداخلہ محسن نقوی نے شہید میجر سعد بن زبیر کے والد محمد زبیر خان. والدہ۔بھائی اور دیگر اہل خانہ سے ملاقات کی اور جواں سال بیٹے کی شہادت پر سوگوار خاندان کے ساتھ گہرے دکھ اور افسوس کا اظہار کیا۔وزیرداخلہ محسن نقوی نے شہید میجر سعد بن زبیر کے والد۔ والدہ اور بھائی کو دلاسہ دیا اور ان کے بلند حوصلے کو بھی سراہا۔وزیرداخلہ محسن نقوی نے شہید میجر سعد بن زبیر کی بہادری کو زبردست الفاظ میں خراج عقیدت پیش کیا ۔ وزیرداخلہ محسن نقوی نے شہید میجر سعد بن زبیر کے ایصال ثواب کیلئے فاتحہ خوانی کی اور سوگوار خاندان کے صبر جمیل کی دعا کی۔ وزیر داخلہ محسن نقوی نے کہا کہ شہید میجر سعد بن زبیر نے شہادت کا عظیم رتبہ پایا۔ قوم کو شہید میجر سعد بن زبیر کی لازوال قربانی پر ناز ہے۔میجر سعد بن زبیر جیسے بہادر سپوت قوم کا ناقابل فراموش سرمایہ ہیں۔ وفاقی وزیرداخلہ محسن نقوی نے کہا کہ شہید میجر سعد بن زبیر کے بلند حوصلہ والدین کو دیکھ کر ہمارا عزم مزید مضبوط ہوا ہے۔شہید میجر سعد کے والدین کا جذبہ قابل ستائش اور قابل فخر ہے ۔ وفاقی وزیرداخلہ محسن نقوی نے کہا کہ ہمارا ایمان ہے کہ شہید ہمیشہ زندہ رہتے ہیں اورشہید میجر سعد بن زبیر ہمیشہ ہمارے دلوں میں زندہ رہیں گے۔میجر سعد بن زبیر چند روز قبل ژوب کے علاقے سمبازہ میں شہید ہوئے تھے۔
