ڈیرہ اسماعیل خان:خوارج کیخلاف خفیہ آپریشن کے دوران 10 دہشت گرد ہلاک۔پاک فوج کا افسر وطن پرقربان

آئی ایس پی آر کے مطابق سکیورٹی فورسز نے ڈیرہ اسماعیل خان میں خفیہ اطلاعات پر آپریشن کیا جس میں 10 خوارج ہلاک ہوگئے۔ فائرنگ کے تبادلے میں کیپٹن حسنین اختر شہید ہوئے ہیں ۔آپریشن کے دوران مارےگئے خوارج سے ہتھیار اور گولا بارود برآمد کیا گیا ہے۔ہلاک دہشت گرد متعدد دہشت گردکارروائیوں میں ملوث تھے، دہشت گرد بے گناہ شہریوں کی ٹارگٹ کلنگ میں بھی ملوث تھے۔کیپٹن حسنین اختر شہید کا تعلق ضلع جہلم سے ہے۔کیپٹن حسنین اختر شہید نے 4 سال دفاع وطن کا فریضہ سرانجام دیا۔کیپٹن حسنین اختر شہید نے سوگواران میں والدین اور بہن بھائی چھوڑے ہیں۔آئی ایس پی آر کا کہنا ہےکہ علاقے میں دیگر ممکنہ خوارج کے خاتمےکے لیےکلیئرنس آپریشن جاری ہے۔