ہسپتالوں میں ماوں اور بچوں کو بیماری کی حالت میں دیکھنا انتہائی تکلیف دہ ہے۔وزیراعلیٰ مریم نوازشریف نے پہلا منفرد”آغوش“پروگرام شروع کردیا

وزیراعلیٰ مریم نوازشریف نے اپنی نوعیت کا پہلا اور منفرد”آغوش“پروگرام شروع کردیاہے۔اس کے تحت دو سال سے کم عمربچوں کی ماؤں اور حاملہ خواتین کو 23ہزار روپے ملیں گے۔پہلے مرحلے میں 13اضلاع میں”آغوش“ پروگرام کے تحت نومولود بچوں کی ماؤں اور حاملہ خواتین کوامداد ی رقم ملے گی۔”آغوش“ پروگرام کاڈیرہ غازی خان، تونسہ، راجن پور، لیہ، مظفر گڑھ اور کوٹ ادو،بہاولپور، رحیم یارخان، بہاؤلنگر، بھکر، میانوالی، خوشاب اور لودھراں ”آغوش“ سے آغازکیاجارہاہے۔حاملہ خاتون کی پہلی دفعہ مراکز صحت،مریم ہیلتھ کلینک میں رجسٹریشن پردو ہزارروپے دیئے جائیں گے۔حاملہ خاتون کوبچے کی پیدائش تک متواتر طبی معائنہ کے لئے وزٹ پر امدادی رقم دی جائے گی۔ مراکز صحت سے مفت طبی معائنہ کے بعد ”آغوش“ پروگرام کے کیش ایجنٹ سے امدادی رقم حاصل کی جا سکے گی۔حاملہ خواتین کو ہر بارمراکز صحت وزٹ پر1500 روپے ملیں گے، ٹوٹل رقم 6ہزار روپے دی جائے گی۔ ”آغوش“پروگرام کے تحت مرکز صحت پر بچے کی پیدائش پر4ہزارروپے کاتحفہ ملے گا۔پیدائش کے بعد 15دن کے اندر پہلے طبی معائنے پر2ہزار روپے ملیں گے۔پیدائشی سرٹیفکیٹ کا مرکز صحت میں اندارج کروانے پر 5ہزار روپے دیئے جائیں گے۔”آغوش“ پروگرام کے تحت نومولود بچے کو حفاظتی ٹیکے لگوانے پر 4ہزار روپے اور ہر بار 2ہزارروپے دیئے جائیں گے۔
وزیراعلیٰ مریم نوازشریف کی ہدایت پر خواتین کی رہنمائی اور معلومات کے لئے خصوصی ٹال فری نمبر بھی قائم کردیا گیاہے۔وزیراعلی پنجاب مریم نوازشریف نے کہاہے کہ صحت اور علاج ہر ماں اور بچے کا بنیادی حق ہے۔ حکومت اپنا فرض ادا کرے گی۔ہسپتالوں میں ماؤں اور بچوں کو بیماری کی حالت میں دیکھنا انتہائی تکلیف دہ ہے۔سرکاری وسائل پرپسماندہ اور دوردراز علاقوں کے عوام کا پورا پورا حق ہے۔