سکول ری آرگنائزیشن پروگرام:5863 سکولوں میں طلبہ کی تعداد میں 52فیصداضافہ،طلبہ کی تعداد 2لاکھ 42ہزارسے بڑھ کر تین لاکھ 68ہزارتک پہنچ گئی
وزیراعلیٰ پنجاب مریم نواز کی زیر صدارت اجلاس۔ پبلک سکول آر گنائزیشن پروگرام کامیابی سے جاری ہے۔بریفنگ
وزیراعلیٰ پنجاب مریم نواز شریف کی زیر صدارت اجلاس میں بتایاگیاکہ پبلک سکول آر گنائزیشن پروگرام کامیابی سے جاری ہے، سرکاری سکولوں کا انتظام اعلیٰ تعلیم یافتہ نوجوانوں کے سپرد کرکے شاندار ثمرات مل رہے ہیں۔اجلاس کوبتایاگیاکہ5863 سکولوں میں طلبہ کی تعداد میں 52 فیصد، ٹیچرزکی تعداد میں 89 فیصداضافہ ہواہے۔سکول ری آرگنائزیشن پروگرام کے بعد طلبہ کی تعداد 2لاکھ 42ہزار بڑھ کر تین لاکھ 68ہزار سے بڑھ گئی ہے۔پنجاب بھر پہلے میں پہلے فیز کےبعد ٹیچرز کی تعداد 8037 سے بڑھ کر 15114ہوگئی ہے اور نجی انتظام میں سرکاری سکولوں میں اساتذہ کی تنخواہ میں تین گنا تک اضافہ کہاگیاہے۔نئے انتظام کے بعد طلبہ کے لئے کرسیاں اور ڈیسک وغیرہ کی تعداد تین لاکھ 71ہزار سے پانچ لاکھ 23ہزار سے بڑھ کر 523000 ہوگئ ہے اورچند ماہ میں ہی 35 نئے کلاس رومز بن گئےاور 459 کی تعمیر و مرمت مکمل کی گئ ہے۔بتایاگیاکہ آؤٹ سورسڈ سکولوں میں 110نئے ٹائلٹ بن گئے اور 2762 کی تعمیر و مرمت کی گئی ہیں۔بریفنگ میں بتایاگیاکہ158سکولوں کی باونڈری وال اور واٹر سپلائی 1389 واٹر پمپ بھی نصب ہوئے ہیں۔آؤٹ سورسنگ کے بعد سکولوں میں اپنی مدد آپ کے تحت نئی اور جدید ترین کمپیوٹر لیب بنائی گئی ہیں۔
