پاک فوج نہ صرف ملکی دفاع بلکے عوامی فلاح و بہبود کیلئے بھی پیش پیش ہے۔پاک فوج کی جانب سے گوادر میں ڈھوریا اکیڈمی خواتین کے لیے نئے پروگرامز متعارف کروائے جارہے ہیں۔اکیڈمی میں انگلش لینگویج، کمپیوٹر اور کڑھائی جیسی مہارتوں کے کورسز متعارف کروائے گئے ہیں۔آئی ایس پی آرکے مطابق پاک فوج علم و ہنر پروگرام کے تحت تعلیمی سہولیات کو مزید بہتر بنانے کے لیے کوشاں ہے۔ڈھوریا اکیڈمی کے لیے لیپ ٹاپس، کروم بُکس، کڑھائی کی مشینیں اور لائبریری کے لیے ای-بکس فراہم کی جائیں گی۔اس اقدام کا مقصد گوادر کی خواتین کو جدید ٹیکنالوجی اور ہنر سیکھنے کے مواقع فراہم کرنا ہے۔ ان پروگرامز کے تحت خواتین کے تعلیمی اور پیشہ ورانہ مستقبل کو بہتر بنانے میں مدد ملے گی ۔اہل علاقہ نے پاک فوج کے اس اقدام کو سراہاہے۔
