ایسا پنجاب بنا رہے ہیں جہاں ہر شہری خود کو محفوظ، بااختیار اور برابر کا پاکستانی محسوس کرے۔وزیراعلی پنجاب مریم نواز
وزیراعلی پنجاب مریم نواز شریف نے کہاہے کہ حکومت پنجاب اقلیتوں کے تحفظ اور فلاح و بہبود کے لیے عملی اقدامات کر رہی ہے۔ اقلیتی برادری کے افراد کو تعلیم، صحت، روزگار اور دیگر بنیادی سہولیات یکساں طور پر فراہم کی جارہی ہیں۔’مینارٹی کارڈ‘ کے ذریعے نادار اقلیتی بہن بھائیوں کی ہینڈ ہولڈنگ کی جارہی ہے-اقلیتوں کے مذہبی تہواروں کے لیے گرانٹس میں اضافہ کیا گیا ہے، ادارے کے بجٹ میں بھی اضافہ کیا ہے-مریم نواز شریف نے کہاکہ
پنجاب حکومت اقلیتوں کے مذہبی اور ثقافتی تہواروں کو سرکاری سطح پر منانے کا بھی اہتمام کر رہی ہے۔اقلیتوں کے مال و جان کے تحفظ کو ریڈ لائن قرار دے کر یقینی بنایا جارہا ہے- وزیرِاعلیٰ مریم نواز شریف نے ہولی کے تہوار پر خصوصی پیغام دیتے ہوئے کہاکہ رنگوں کا یہ خوبصورت تہوار ہولی محبت، امن اور بھائی چارے کی علامت ہے-دعا ہے کہ یہ دن سب کے لیے خوشیوں، محبت اور بین المذاہب ہم آہنگی کا پیغام لے کر آئے۔انہوں نے کہاکہ پاکستان مختلف مذاہب کی برادریوں کا حسین امتزاج ہے،سب کو یکساں حقوق و مواقع میسر ہیں-انہوں نے کہاکہ پنجاب صوفیاء، محبت اور رواداری کی دھرتی ہے،ہر مذہب، ہر برادری کو مکمل احترام حاصل ہے۔ایسا پنجاب بنا رہے ہیں جہاں ہر شہری خود کو محفوظ، بااختیار اور برابر کا پاکستانی محسوس کرے۔
