جدید ٹیکنالوجی سے روائتی تعلیم کو زیادہ مؤثر اور دلچسپ بنایا جا رہا ہے۔وزیراعلی پنجاب
وزیر اعلیٰ پنجاب مریم نواز شریف نے ڈیجیٹل لرننگ ڈے پر پیغام دیتے ہوئے کہاہے کہ ڈیجیٹل لرننگ کے دور میں ترقی ٹیکنالوجی اور جدید تعلیم سے مشروط ہے۔پنجاب کے نوجوانوں کو جدید دنیا کے تقاضوں سے ہم آہنگ کرنے کے لیے ممکنہ مواقع فراہم کر رہے ہیں۔سی ایم لیپ ٹاپ سکیم پنجاب کے طلبہ کے لیے ایک انقلابی قدم ثابت ہوگا-ان کاکہناتھاکہ پنجاب میں نوجوانوں کو انٹر نیشنل مارکیٹ بیسڈ ایڈوانس آئی ٹی ٹریننگ پروگرامز کرائے جارہے ہیں – مریم نواز شریف نے کہاکہ نوجوانوں کو مصنوعی ذہانت (AI)، سافٹ ویئر ڈویلپمنٹ، اور فری لانسنگ جیسے کورسز کے مواقع دے رہے ہیں-بین الاقوامی جاب مارکیٹ کے تقاضوں کے مطابق فری لانسرز کی آئی ٹی کورسز سرٹیفیکیشن کرائی جا رہی ہے-ان کاکہناتھاکہ سرکاری سکولوں میں سمارٹ کلاس رومز اور ڈیجیٹل لیب بنا رہے ہیں۔مریم نواز شریف نے کہاکہ جدید ٹیکنالوجی سے روائتی تعلیم کو زیادہ مؤثر اور دلچسپ بنایا جا رہا ہے۔
