غیر قانونی مقیم تارکین کے انخلا کی حکومتی مہم کے متعلق آئی جی پنجاب ڈاکٹر عثمان انور کی زیرصدارت اہم اجلاس ہواجس میں تمام آر پی اوز، سی پی اوز، ڈی پی اوزنے بذریعہ ویڈیو لنک شرکت کی۔اجلاس میں لاہور سمیت صوبہ بھر سے غیر قانونی مقیم غیر ملکی افراد کے انخلا کے اقدامات کا جائزہ لیاگیا۔
آئی جی پنجاب ڈاکٹر عثمان انور نے کہاکہ غیر قانونی مقیم غیر ملکی شہریوں کے انخلا کی حکومتی مہم کے دوران 01 ہزار سے زائد افراد کو ہولڈنگ سنٹرز پہنچایا گیا، 2353 غیر قانونی مقیم غیر ملکی افراد پہلے سے ہولڈنگ پوائنٹس پر موجود، 203 افراد کو متعلقہ اداروں کی مدد سے ملک سے ڈی پورٹ کیا جا چکا ہے، اداروں سے کوارڈینیشن جاری ہے اور غیر قانونی مقیم غیر ملکیوں کو مخصوص پوائنٹس سے پنجاب کی حدود سے باہر منتقل کیا جا رہا ہے۔غیر قانونی مقیم شہریوں کو منتقلی عمل کے دوران ہولڈنگ پوائنٹس پر رکھا جا رہا ہے۔ سپیشل برانچ، سی ٹی ڈی، سکیورٹی اداروں اور انٹیلی جنس بیسڈ انفارمیشن کے ذریعے غیر ملکی شہریوں کے انخلا کا عمل بلا تعطل جاری رکھیں انخلا کے عمل کے دوران انسانی حقوق کی پاسداری ہرصورت یقینی بنائی جائے۔
