پرستاروں کی قیاس آرائیوں سچ ثابت ہوئیں،اداکار گوہر رشید اور اداکارہ کبریٰ خان نے خاموشی مگر انوکھے انداز میں شادی کا اعلان کر دیا۔
شوبز جوڑی کی ویڈیو سوشل میڈیا پر وائرل ہو گئی جس میں مختلف شوبز ستارے دلچسپی پیدا کرنے کیلئے میرے یار کی شادی کے الفاظ دہراتے ہیں لیکن کبریٰ خان اور گوہر رشید کا نام کوئی بھی نہیں لیتا۔
ویڈیو میں دیکھا جا سکتا ہے کہ شہزاد شیخ کہتے ہیں میرے یار کی شادی کی ہے،ویڈیو میں ہمایوں سعید کے ساتھ موجود خاتون بھی کہتی ہے کہ میرے جگر کی شادی ہے۔
سوشل میڈیا پر وائرل ہونے والی ویڈیو میں اذان سمیع خان کہتے ہیں کہ کسی کی نجی زندگی کا معاملہ ہے جس کی عزت کرنی چاہیے،مومل شیخ سوالیہ انداز میں پوچھتی ہیں کہ کس کے یار کی شادی ہے؟ جس پر انہیں بتایا جاتا ہے سب کے یار کی شادی ہے۔
شوبز ستاروں کے بعد ویڈیو میں کبریٰ خان اور گوہر رشید کی اینٹری ہوتی ہے،دونوں اپنی شادی سے متعلق زبان کے بجائے اشاروں میں بات کرتے ہیں۔
گوہر رشید آنکھ سے اشارہ کرتے ہیں،کبریٰ خان اپنے اور گوہر رشید کی طرف ہاتھ سے اشارہ کرتی ہیں،دونوں خاموشی کے ساتھ آنکھوں کے ذریعے ایک دوسرے کی ہاں میں ہاں ملاتے ہیں۔
ویڈیو میں دیکھا جا سکتا ہے کہ کبریٰ خان مسکراتے ہوئے چہرہ اپنے ہاتھوں میں چھپا لیتی ہیں،گوہر رشید بھی اداکارہ کی طرف دیکھ کر مسکرانے لگتے ہیں۔
