بجلی چوروں کے خلاف آپریشن میں لیسکو کو رینجرز کی معاونت حاصل ہو گی۔لیسکو کی جانب سے جاری نوٹیفکیشن کے مطابق رینجرز ڈیفالٹرز اور بجلی چوروں کے خلاف آپریشن کے پہلے مرحلے میں اوکاڑہ سرکل میں معاونت کرے گی۔ لیسکو حکام کا کہنا ہے کہ ان سرکلز میں ڈیفالٹرز اور لاسز زیادہ نکلے ہیں، ٹاپ 100 ڈیفالٹرز کے خلاف آپریشن ہو گا۔ اوکاڑہ سرکل کے سرحدی اور دور دراز دیہات میں چوروں کے خلاف آپریشن ہوگا جب کہ اوکاڑہ کے بعد قصور، شیخوپورہ اور ننکانہ سرکل تھری نارنگ منڈی میں بھی آپریشن کیا جائے گا۔
