بھارتی اداکارہ نندیتا داس کئی فلموں میں اداکاری کے جوہر دکھا چکی ہیں، اس کے علاوہ انہوں نے 2008 میں ریلیز ہونے والی پاکستانی رام چند میں بھی مرکزی کردار ادا کیا تھا۔ نندیتا اداکاری کے ساتھ اب ہدایتکارہ بھی ہیں اور کئی فلمیں بناچکی ہیں۔
نندیتا داس حال ہی میں پاکستان آئی ہیں۔انہوں نے فیض فیسٹیول میں شرکت کی اور سیشن میں اظہار خیال کرتے ہوئے کہا کہ میں آٹھ سال بعد پاکستان آئی ہوں اور مجھے پاکستان آنے کے بہانے چاہئیں۔انہوں نے کہا کہ 40 سے زائد فلموں میں کام کر چکی ہوں، میں اداکارہ نہیں بننا چاہتی تھی مگر حادثی طورپربن گئی۔ان کا کہنا تھاکہ میں گانا سیکھنا چاہتی ہوں، میں شاعری کرنا چاہتی ہوں۔
