پاکستان میں مقیم وہ افغان باشندے جو سٹیزن کارڈ رکھتے ہیں ان کی رضاکارانہ واپسی کی ڈیڈ لائن ختم ہو گئی ہے اور ان کو بے دخل کرنے کیلئے پشاور اور لنڈی کوتل میں دوعارضی کیمپ قائم کر لیے گئے ہیں، افغان حکام نے بھی طورخم کے قریب استقبالیہ اور رجسٹریشن کیمپ قائم کر دیے ہیں، سٹیزن کارڈ رکھنے والے افغان باشندوں کو بائیو میٹرک کے بعد واپس بھیجا جائے گا۔ذرائع کا کہنا ہے کہ 31 مارچ تک پاکستان چھوڑنے والے غیر قانونی افغانوں کی کل تعداد 8 لاکھ 85,902 ہے، حکومت کی جانب سے غیر ملکیوں کو واپس ان کے ممالک بھیجنے کے فیصلے کے بعد سے ملک سے غیر قانونی، غیر ملکی اور افغان سٹیزن کارڈ ہولڈرز کا انخلا جاری ہے۔تاہم حکومت پاکستان کے فیصلے کے مطابق پاکستان چھوڑنے کی ڈیڈ لائن ختم ہو گئی ہےاور مقررہ تاریخ گزر گئی ہے، اس لیے متعلقہ افراد کے خلاف سخت قانونی کارروائی شروع کی جائے گی۔
