وفاقی وزارت فوڈسکیورٹی کااجلاس، زرعی اجناس بنانے اور بیچنے والی 392جعلی کمپنیوں پر پابندی لگادی گئی

وفاقی وزارت فوڈسکیورٹی کا صوبوں کے ساتھ زرعی سیکٹر پر اہم اجلاس میں بریفنگ میں بتایا گیا کہ چاولوں میں ایم آر ایل ایشو آنے پر 12پیسٹی سائیڈ پراڈکٹس پرمکمل پابندی لگادی گئی ہے۔اجلاس میں فیصلہ ہوا کہ کیو آرکوڈ کے بغیر دکانداروں کے خلاف محکمہ زراعت اور ایف آئی اے کارروائی کرےگی۔چاول کا بیج بنانے کی 1030 کمپنیاں موجود ہیں، جن میں جعلی کمپنیاں بھی شامل ہیں۔ ترجمان کے مطابق ہائبرڈ بیج امپورٹ کرنے والی کمپنیز کو سیڈ کے تمام بیگز پر کیو آر کوڈ لگانےکا حکم دیا گیا ہے۔ جس بھی چاول کے بیج کے بیگ پر کیو آر کوڈ نہیں ہوگا وہ بیج جعلی تصور ہوگا۔مزیدبرآں اجلاس میں وفاقی وسندھ حکومت نے زرعی اجناس بنانے اور بیچنے والی 392 کمپنیوں پر پابندی کا فیصلہ کیا ہے۔ ذرائع کے مطابق یہ فیصلہ دو ماہ میں سروے کے بعد دی گئی رپورٹ کے بعدکیا گیا، یہ کمپنیاں جعلی زرعی بیج فروخت کرنے میں ملوث تھیں۔