11 ہزار کے قریب جنگجو ہمارے علاقے میں آچکے ہیں،بارڈر کے دوسری طرف ساڑھے 22 ہزار جنگجو موجود ہیں۔واحدحل مذاکرات ہے۔علی امین گنڈاپور
وزیراعلیٰ خیبر پختونخوا علی امین گنڈاپور نے کہا ہے فضل الرحمن کا طالبان میں اثرورسوخ ختم ہوچکا، طالبان سے مذاکرات کا ٹاسک مجھے دیں، انہیں ٹیبل پر لاوں گا۔پریزینٹیشن اور اعلامیہ پیش کرنے سے دہشتگردی ختم ہونا ہوتی تو اب تک ہو چکی ہوتی، صوبے میں کسی آپریشن کی اجازت نہیں دیں گے۔صحافیوں کے اعزاز میں دیئے گئے افطار ڈنر کے بعد میڈیا سے گفتگو کرتے ہوئے اور بیان میں ان کاکہناتھاجتنے دہشتگرد مارے جارہے ہیں افغانستان سے اتنے مزید آرہے ہیں،ایک اندازے کے مطابق ساڑھے 9 سے ساڑھے 11 ہزار کے قریب جنگجو ہمارے علاقے میں آچکے ہیں جبکہ بارڈر اور دوسری طرف ساڑھے 22 ہزار کے لگ بھگ جنگجو موجود ہیں۔عوام ساتھ ہوں اور نیت صاف ہو تو ان سے نمٹ لیں گے،قومی سلامتی کمیٹی کا اجلاس میٹنگ کم اورپریزینٹیشن زیادہ تھی،قومی سلامتی کمیٹی کے اجلاس میں بانی پی ٹی آئی کے حوالے سے کوئی بات نہیں ہوئی، آگے بڑھنے کے لیے عمران خان کو رہا کرنا ہوگا۔میں اقتدار میں آیا تو لکی مروت میں فوج کے خلاف پولیس مظاہرے کررہی تھی ، تمام مسائل مل بیٹھ کر حل کئے جاسکتے ہیں۔طالبان کو ٹیبل پر بٹھائیں، مذاکرات کریں یہی واحد حل ہے، تمام ایجنسیوں کے قبائلی مشران سے مذاکرات کا پلان بنا کر دفتر خارجہ اور وزارت داخلہ کو بھیجا،وزارت داخلہ،خارجہ یا دفاع سے کوئی جواب نہیں آیا، قبائلی مشران کو طالبان انکار نہیں کر سکتے۔
