سفری پابندی میں ممکنہ طور پر شامل ممالک میں پاکستان، افغانستان، عراق، ایران، لبنان،لیبیا، فلسطین، صومالیہ، سوڈان، شام، یمن،جنوبی کوریا، کیوبا، ہیٹی اور ونیزویلا شامل ہوسکتے ہیں
امریکی صدر ڈونلڈ ٹرمپ کی جانب سے مختلف ممالک پر سفری پابندی کا حکم نامہ آج جاری ہونے کا امکان ہے۔میڈیارپورٹس کے مطابق امریکی سفری پابندی میں ممکنہ طور پر شامل ممالک کے نام سامنے آگئے جن میں پاکستان، افغانستان، عراق، ایران، لبنان شامل ہوسکتے ہیں۔اس کے علاوہ لیبیا، فلسطین، صومالیہ، سوڈان، شام، یمن،جنوبی کوریا، کیوبا، ہیٹی اور ونیزویلا پر بھی امریکی سفری پابندی عائد ہونے کا امکان ہے۔ مسافروں کی جانچ کا نظام ٹھیک نہ رکھنے والے ممالک پر بھی ٹرمپ انتظامیہ سفری پابندی عائد کررہی ہے۔امریکی میڈیا کے مطابق پابندی عائد ہونے کے بعد فہرست میں شامل ممالک کے شہری امریکا نہیں جاسکیں گے۔صدر ٹرمپ ایگزیکٹو حکم نامے کے تحت سفری پابندی عائد کرنے جارہے ہیں۔ممکنہ سفری پابندی کے شکار ممالک کو دو گروپس میں تقسیم کیا جائے گا، اورنج گروپ میں شامل ممالک کے لوگ محدود تعداد میں امریکا کا سفر کرسکیں گے۔یلو گروپ کے ممالک کی حکومتوں کو مسافر جانچ کا عمل ٹھیک کرنے کے لیے دو ماہ دیے جائیں گے۔امریکی محکمہ خارجہ کا ممکنہ سفری پابندی کا شکار ممالک کے حوالے سے نئی پالیسی پر کام جاری ہے، ترجمان نے سفری پابندیوں پر مزیدتبصرہ کرنے سے گریز کیا ہے۔
