سعودی عرب ہائپر لوپ ون ٹیکنالوجی حاصل کرنے والا دنیا کا پہلا ملک بننے جا رہا ہے۔
سعودی عرب کے شہر جدہ سے ریاض کے درمیان مسافت ساڑھے 9 سو کلومیٹر بنتی ہے اور یہ سفر ساڑھے 9 گھنٹے میں طے ہوتا ہے تاہم 2030 میں ریاض سے جدہ کا سفر صرف 46 منٹ میں طے کر لیا جائے گا۔
سعودی عرب ویژن 2030 کے تحت جدید ترین شہر بنانے کے ساتھ بڑے بڑے پراجیکٹ اور برق رفتار ٹرین کے منصوبے پر کام کر رہا ہے،سعودی عرب میں پہلی بار ہائپر لوپ ون ٹیکنالوجی کی حامل تیز ترین ٹرین 2030 متعارف کرائی جائے گا۔
امریکی کمپنی کے مطابق 2030 میں سعودی عرب ہائپر لوپ ٹیکنالوجی کی کیپسول نما ٹرین کے ذریعے جدید ترین سفری سہولیات فراہم کرے گا،یہ منصوبہ 2030 تک مکمل ہو گا،مسافر 1 ہزار کلومیٹر فی گھنٹہ کی رفتار سے ٹرین کے سفر سے محظوظ ہوں گے۔
واضح رہے کہ دوسرے مرحلے میں سعودی عرب سے دبئی تک ہائپر لوپ ٹرین چلائی جائے گی جس کی وجہ سے ریاض اور دبئی کے درمیان فاصلہ سمٹ کر 51 منٹ رہ جائے گا۔
