یوٹیوب کی جانب سے کری ایٹرز کی سہولت کے لیے اے آئی ٹولز پر بھاری سرمایہ کاری کی جارہی ہے
یوٹیوب کے چیف ایگزیکٹو نیل موہن نے بتایاکہ یوٹیوب میں رواں سال کے دوران آرٹی فیشل انٹیلی جنس (اے آئی) ٹیکنالوجی پر مبنی متعدد فیچرز متعارف کرائے جائیں گے۔انہوں نے بتایا کہ کمپنی کی جانب سے کریٹیرز کے لیے اے آئی ٹولز پر بھاری سرمایہ کاری کی جارہی ہے، جیسے صارفین کو ویڈیوز کے مواد کا آئیڈیا دینے، اچھے تھمب نیلز کے انتخاب میں مدد فراہم کرنے اور زبانوں کا ترجمہ کرنے والے جیسے اے آئی ٹولز متعارف کرائے جائیں گے۔ٹرانسلیشن والا فیچر ان تمام صارفین کو دستیاب ہوگا جو یوٹیوب کے پارٹنر پروگرام کا حصہ ہیں۔انہوں نے کہاکہ 2025 میں اے آئی ٹیکنالوجی کمپنی کی 4 بڑی ترجیحات میں سے ایک ہے۔
