سوشل میڈیاپرمشہورہونے والے چاہت فتح علی خان کی چندروزقبل ایک میزبان متھیرا کے ساتھ ویڈیو وائرل ہوئی تھی جس میں وہ متھیرا کی کمر پر ہاتھ رکھ رہے تھے۔جس پرچاہت فتح علی خان کوتنقیدکاسامناکرناپڑاتھا۔ اب ایک بارپھر وہ تنقیدکی زدمیں ہیں۔ایک تازہ پروگرام میں میزبان کی جانب سے سوال پوچھا گیا کہ آپ خود کو سنگل کہتے ہیں کس لڑکی سے شادی کریں گے؟ اس کے جواب میں چاہت فتح نے کہا کہ ’میں آپ جیسی لڑکی سے شادی کرنا چاہتا ہوں اور پچھلے ایک سال سے آپ کے پیچھے پڑا ہوں‘۔اس کے علاوہ چاہت فتح علی خان نے میزبان کے دیگر سوالوں پر بھی عجیب حرکتیں کیں جس پر انہیں تنقید کا نشانہ بنایا جارہاہے۔
