بھارتی ریاست گجرات کے علاقے پوربندر میں بھارتی کوسٹ گارڈکاہیلی کاپٹر معمول کی تربیتی پرواز کے دوران گر کر تباہ ہوگیا۔ بھارتی میڈیا کے مطابق حادثے میں عملے کےتین اہلکار موقع پر ہی ہلاک ہوگئے ہیں۔تباہ ہونے والا یہ ہیلی کاپٹر بھارتی کمپنی ہندوستان ایروناٹیکل لمیٹڈ نے بنایا تھا۔
انڈین کوسٹ گارڈ حکام کے مطابق یہ ہیلی کاپٹر تکنیکی خرابی کی وجہ سے حادثے کا شکار ہوا، حادثے کی تحقیقات شروع کردی گئی ہیں۔
اسی قسم کے ایک ہیلی کاپٹر نے گزشتہ سال ستمبر میں بحیرہ عرب میں کریش لینڈنگ کی تھی۔واضح رہے کہ یہ ہیلی کاپٹر 2002ء سے بھارتی مسلح افواج میں مختلف سروسز کے لیے زیر استعمال ہیں۔
