سرکہ کے بے شمار فوائد ہیں جن سے بہت کم لوگ ہی واقف ہیں۔ایک رپورٹ کے مطابق سرکہ کھانوں کے ذائقے کو بڑھانے کے ساتھ ساتھ صفائی کے طور پر بھی استعمال کیا جاتا ہے کیونکہ اس میں موجود اینٹی بیکٹیریل خصوصیات چکنائی ہو یا گہرے داغ، آسانی سے صاف کرسکتی ہیں۔ اگر آپ کے پیروں سے بدبو آتی ہے تو نیم گرم پانی میں سرکہ ملا کر پاؤں دھو لیں، اس سے بیکٹیریا ختم اور بدبو دور ہو جائے گی۔اس کے علاوہ سرکہ ایک بہترین قدرتی کلینر ہے، اسے کچن کاؤنٹر، گیس کے چولہے اور مائیکرو ویو کو صاف کرنے کے لیے پانی میں ملا کر استعمال کیا جا سکتا ہے۔اگر آپ اپنے بےجان بالوں کو نرم اور چمکدار بنانا چاہتے ہیں تو سیب کے سرکہ کو پانی میں ملائیں اور پھر اپنے بالوں کو دھوئیں ایسا کرنے سے یہ نرم اور چمکدار ہو جاتے ہیں۔
