بالی وُوڈ کی معروف اداکارہ پریتی زنٹا نے تنقید کرنے والوں کو سوشل میڈیا پرجواب دیتے ہوئے لکھا ہے کہ “میرے نام اور تصاویر کا استعمال کرتے ہوئے فضول باتیں کی جارہی ہیں، میں اپنے سوشل میڈیا اکاؤنٹس خود چلاتی ہوں اور جعلی خبروں کو فروغ دینے پر آپ کو شرم آنی چاہیے، کسی نے میرا قرض معاف نہیں کیا نہ میری جگہ دیا”۔واضح رہے کہ کانگریس کیرالہ نے دعویٰ کیا ہے کہ اداکارہ پریتی زنٹا نے اپنے سوشل میڈیا اکاؤنٹس ایک سیاسی جماعت (بی جے پی) کو دے دیے ہیں۔کانگریس کیرالہ نے ٹوئٹ میں یہ بھی کہا کہ پریتی زنٹا کا 18 کروڑ روپے کا قرض بھی معاف کردیا گیا ہے۔اس دعوے پر اداکارہ نے سخت ردعمل کا اظہار کیا اور اس ٹوئٹ کو غلط اور جھوٹی خبر قرار دیتے ہوئے بتایا کہ وہ اپنے سوشل میڈیا اکاؤنٹس خود دیکھتی ہیں۔
