رمضان المبارک کے مقدس مہینے میں افطار کے دوران دہشت گردوں کا حملہ انتہائی گھناؤنا عمل ہے۔آصف علی زرداری

صدرمملکت آصف علی زرداری کی بنو ں کینٹ پر دہشت گردوں کے حملے کی شدید مذمت،سیکورٹی فورسزکوخراج تحسین

صدرمملکت آصف علی زرداری نے بنو ں کینٹ میں دہشت گردوں کے حملے کی مذمت کرتے ہوئے کہاہے کہ
رمضان المبارک کے مقدس مہینے میں افطار کے دوران ایسا حملہ گھناؤنا عمل ہے، پوری قوم ایسی مذموم کاروائیوں کو مسترد کرتی ہے، فتنۃ الخوارج کی سرکوبی کیلئے کاروائیاں جاری رکھنے کیلئے پرعزم ہیں، صدر مملکت نے شہداء کیلئے بلندی درجات، اہل خانہ کیلئے صبر جمیل کی دعا کی۔صدر مملکت نے بنوں کینٹ پر دہشت گرد حملے کے نتیجے میں قیمتی جانی نقصان پر دُکھ اور افسوس کا اظہار کیا اوردہشت گردوں کو جہنم واصل کرنے پر سیکیورٹی فورسز کی تعریف کی ۔