پاکستان کرکٹ ٹیم کے ہیڈکوچز کیلئے گیری کرسٹن اور جیسن گلیسپی سے معاملات طے پاگئے۔
ریڈ بال فارمیٹ کیلئے جیسن گلیسپی جبکہ وائٹ بال کیلئے گیری کرسٹن کو پاکستانی ٹیم کا ہیڈکوچ بنانے کا فیصلہ ہوا ہے۔
دونوں فارمیٹ میں پاکستان کرکٹ ٹیم کے اسسٹنٹ کوچ کی تلاش کیلئے اشتہار دے دیا گیا ہے، اسسٹنٹ کوچ کے لیے کم از کم لیول ٹو کوچ ہونا ضروری ہے، اس کے ساتھ انٹرنیشنل ٹیم، فرنچائز یا ڈومیسٹک ٹیم کے ساتھ 3 سال کا تجربہ بھی ضروری قراردیا گیا ہے، 20 اپریل تک خواہشمند امیدوار درخواستیں جمع کراسکیں گے۔
