لاہور : پی ایس ایل کے 10 ویں ایڈیشن کیلئے پلیئر ڈرافٹ کی تاریخ اور مقام تبدیل کرنے کا فیصلہ کر لیا گیا۔
نجی ٹی وی چینل نے ذرائع کا حوالہ دیتے ہوئے رپورٹ کیا گیا کہ پی ایس ایل کی ڈرافٹنگ 11 کے بجائے 13 جنوری کو لاہور میں ہو گی،پی ایس ایل کی ڈرافٹنگ اور وینیو لاجسٹک چیلنجز کی وجہ سے تبدیل کی گئی۔
ڈرافٹنگ کی تقریب حضوری باغ لاہور قلعہ میں سجائی جائے گی،مارچ میں ہونے والے پی ایس ایل ٹرافی ٹور کے روٹ میں گوادر شامل ہو گا،پی ایس ایل کا 10 واں ایڈیشن ممکنہ طور پر 8 اپریل سے 19 مئی کے درمیان ہو گا۔
چھ فرنچائزز 13 جنوری کو پلیئر ڈرافٹ کی تقریب میں اسکواڈ کا انتخاب کریں گی،اس سے پہلے ڈرافٹنگ کی تقریب گوادر میں 11 جنوری کو کروانے کا فیصلہ کیا گیا تھا۔
