لاہورپولیس کاکہناہے کہ میاں اسلم اقبال کے ڈیرے سے ملنے والی لاش کی شناخت ہوگئی ہے، مقتول کی شناخت عمران کے نام سے ہوئی جو فیصل آباد کا رہائشی اور برخاست شدہ پولیس اہلکار ہے۔پولیس کا بتانا ہے کہ کانسٹیبل ارشد اور مقتول عمران نشے میں تھے، دونوں میں جھگڑا ہوگیا جس کے بعد کانسٹیبل ارشد نے عمران کو گولی مار کر قتل کیا اور فرار ہوگیا۔پولیس کے مطابق واقعے میں ملوث ملزم کانسٹیبل ارشد کو میانوالی سے گرفتارکرلیا گیا ہے۔واضح رہے کہ ایک روزقبل لاہورمیں سمن آباد میں پی ٹی آئی لیڈر میاں اسلم اقبال کے ڈیرے کے ایک کمرے سے تقریباً 40 سالہ شخص کی بوسیدہ حالت میں لاش ملی تھی جس پر پولیس نے مقدمہ بھی درج کرلیا تھا۔
