سکیورٹی فورسز نے کمال مہارت سے جعفر ایکسپریس کو ہائی جیک کرنے والے درجنوں دہشت گردوں کو جہنم واصل کردیا

سیکورٹی فورسزنےدوران کلیئرنیس آپریشن انتہائی احتیاط اور مہارت کا مظاہرہ کرتے ہوئے معصوم جانیں بچائیں

سیکورٹی ذرائع کے مطابق جعفر ایکسپریس کو ہائی جیک کرنے والے درجنوں دہشت گردوں کو جہنم واصل کردیا گیاہے۔سیکیورٹی فورسز کا دہشت گردوں کے خلاف آپریشن آخری مراحل میں داخل ہوچکاہے تاہم مزید تفصیلات کچھ دیر میں آنے کا امکان ہے۔بتایاگیاکہ بڑی تعداد میں یرغمال مسافروں بشمول عورتوں اور بچوں کے، جن کو انسانی شیلڈ کے طور پر استعمال کیا جا رہا تھا، بازیاب کروا لیا گیا ہے۔دوران کلیئرنیس آپریشن انتہائی احتیاط اور مہارت کا مظاہرہ کیا گیا اور معصوم جانیں بچائی گئیں۔تاہم پہلے سے دہشت گردوں کی بربریت کا نشانہ بننے والے کچھ شہید مسافروں کی تعداد کا تعیُّن کیا جا رہا ہے۔