لاہور : وزیراعلی پنجاب مریم نواز کی ہدایت پر سینئیر صوبائی وزیر مریم اورنگزیب نے لاہور میوزیم کا دورہ کیا جہاں انہوں نے آرٹ گیلریز،سکیورٹی آفس،ٹکٹ گھر کیفے ٹیریا اور مختلف حصوں کا جائزہ لیا۔
سنیئر صوبائی وزیر کو بریفنگ دی گئی کہ 1894 سے قائم عجائب گھر میں لاہور کی 1 ہزار سال پرانی تاریخ محفوظ ہے،پنجاب حکومت نے عجائب گھر کو بین الاقوامی معیار کا میوزیم بنانے کا فیصلہ کیا ہے۔
یونیسکو لاہور عجائب گھر کو جدید ٹیکنالوجی اور عالمی معیار کے مطابق بنائے گا جس کیلئے 240ملین روپے مختص کئے گئے ہیں،مریم اورنگزیب نے یونیسکو پلان کی سمری کابینہ کو ارسال کرنےکی ہدایت کر دی۔
سنیئر صوبائی وزیر نے میوزیم میں سیاحوں کی سہولت کیلئے مرکز مہمان داری قائم کرنے،گندھارا اور خطاطی پر عالمی کانفرنسیں منعقد کرانے،تاریخی نوادرات اور فن پاروں کو محفوظ بنانے کیلئے سسٹم کو ڈیجٹلائز کرنے کی ہدایت بھی کی۔
سنیئر صوبائی وزیر نے میوزیم کی عمارت میں نمی،درجہ حرات کا خیال رکھنے اور نایاب چیز کو نقصان سے بچانے کی ہدایت بھی کی۔
