حکومت صحافیوں کے مسائل کے حل، پیشہ ورانہ استعداد کار میں اضافے اور آزادی صحافت کے فروغ کے لئے ہر ممکن تعاون جاری رکھے گی۔عطاءاللہ تارڑ

وفاقی وزیر اطلاعات عطاءاللہ تارڑ نے کہاہے کہ حکومت آزادی صحافت اور آزادی اظہار رائے پر کامل یقین رکھتی ہے۔صحافی برادری ملک کا اہم ستون ہے،پریس کلب صحافیوں کی مضبوط آواز ہے۔پریس کلب ایک ایسا ادارہ ہے جو صحافیوں کے حقوق، آزادی اظہار رائے اور پیشہ ورانہ ترقی کیلئے نمایاں کردار ادا کر رہا ہے۔حکومت صحافیوں کے مسائل کے حل، ان کی پیشہ ورانہ استعداد کار میں اضافے اور آزادی صحافت کے فروغ کے لئے ہر ممکن تعاون جاری رکھے گی۔عطاءاللہ تارڑنےنیشنل پریس کلب کے نومنتخب عہدیداران کو مبارکباددیتے ہوئے کہاکہ نومنتخب عہدیداران کی کامیابی اس بات کی غماز ہے کہ صحافی برادری نے ان پر بھرپور اعتماد کہ اظہار کیا ہے۔امید ہے نئی قیادت صحافیوں کی فلاح و بہبود، آزادی صحافت اور قومی مفاد میں مثبت کردار ادا کرے گی۔