وزیراعظم شہبازشریف نے وفاق اور وزیراعلی پنجاب مریم نوازنے صوبہ پنجاب کی سطح پرخصوصی رمضان پیکیج دیاہے۔عطااللہ تارڑ

وفاقی وزیراطلاعات ونشریات عطا اللہ تارڑ نے کہا ہے کہ ملکی ترقی و خوشحالی کیساتھ کم مراعات یافتہ طبقہ کا طرزِ زندگی بہتر کرنے کیلئے بھی اقدامات کررہے ہیں۔وزیراعظم شہبازشریف نے وفاق جبکہ وزیراعلی پنجاب مریم نوازنے صوبہ کی سطح پرخصوصی رمضان پیکیج دیاہے۔عطا اللہ تارڑ کی طرف سے لاہور میں حلقہ این اے 127میں راشن تقسیم کیا گیا ۔ اس موقع پر عطاء اللہ تارڑ نے کہا کہ رمضان المبارک صبر کرنے کے ساتھ ساتھ مستحقین کا خیال رکھنے کا بھی مہینہ ہے،ملکی ترقی و خوشحالی کیساتھ کم مراعات یافتہ طبقہ کا طرزِ زندگی بہتر کرنے کیلئے بھی اقدامات کررہے ہیں۔این اے 127کے تمام صوبائی حلقوں میں راشن تقسیم کیاجارہاہے ، ہرموقع پر ہم نے حلقہ کی عوام کا خیال رکھا ہے اورہم ہمیشہ حلقہ کی عوام کیساتھ کھڑے ہیں ۔اس موقع پر ساجدہ تارڑ نے کہا کہ اس بابرکت مہینے میں ہمیں مستحق افرادکا خصوصی خیال رکھنا چاہیے۔