ناورے کی سب سے بڑی فارمڈ سامن کمپنی مووی کا کہنا ہے کہ شمالی ناروے کی کاؤنٹی ٹرومز میں موجود ان کے فش فارم سے 1 لاکھ 5 ہزار مچھلیوں میں سے 27ہزار مچھلیاں نکل کر شمال مغربی ناروے کے سمندر میں داخل ہوگئی ہیں۔کمپنی کا کہنا ہے کہ وہ جال جو کھلے پانی فارم سے علیحدہ کر رہا تھا طوفانی موسم کی وجہ سے ٹوٹ گیا تھا۔کمپنی نے ملک کے رجسٹرڈ ماہی گیروں سے درخواست کی ہے کہ فارم سے نکلنے والی مچھلیوں کو پکڑ کر متعین کردہ سینٹرز پر واپس لانے والوں کو انعام دیاجائے گا۔ماہرین کا کہنا ہے کہ اس علاقے میں ان مچھلیوں کا پھیل جانا جنگلی سامن مچھلیوں کے لیے خطرہ ہو سکتا ہے۔ناروے کی اس سمندری غذائی کمپنی نے اعلان کیاہے کہ27 ہزار سامن مچھلیوں کو پکڑ کر لوٹانے والوں کے لیے فی مچھلی 12 ہزار روپے سے زائد یعنی 500 نارویجن کرونے انعام کا اعلان کر دیاہے۔
