وزیراطلاعات عطاتارڑ نے ایک نجی ٹی وی کے معروف پروگرام میں فیصل واوڈاکے الزامات کا جواب دیتے ہوئے کہاہے کہ ایک سال مکمل ہونے پر حکومت پر الزام تراشی کی گئی،کیا ہی اچھا ہوتا فیصل واوڈا ذکر کردیتےکہ وہ چیئرمین ان کے دور حکومت میں لگایا گیا تھا۔عطاتارڑ کا کہنا تھا کہ وزیرکے پاس تو پیسا آیا ہی نہیں زمین سے متعلق بورڈ نے فیصلہ کیا، پورٹ قاسم اتھارٹی کا بورڈ اپنے فیصلےکرنے میں بااختیار ہے۔واضح رہے کہ ن لیگ حکومت کا ایک سال مکمل ہونے پر فیصل واوڈا 60 ارب کا میگا اسکینڈل سامنے لے کر آئے ہیں۔ایک ٹی وی ٹاک شومیں فیصل واوڈا نے حکومت کا ایک سال مکمل ہونے پر 60 ارب روپے کے میگا اسکینڈل کا انکشاف کیا تھا۔فیصل واوڈا نے اسکینڈل کے دستاویزی ثبوت کے ساتھ تفصیلات بتائیں اور کہا کہ اس میں ذمہ داروں کے علاوہ وزیر برائے میری ٹائم قیصر احمد شیخ کی مجرمانہ غفلت بھی شامل ہے۔وفاقی وزیراطلاعات کا کہنا تھا کہ پورٹ قاسم اتھارٹی کی زمین کا معاملہ 2005 سے چلا آرہا ہے،کمیٹی کے اجلاس میں ہر وزیر کو تیاری کے ساتھ جانا چاہیے۔عطاتارڑنے فیصل واوڈاکے الزامات کو مستردکیاہے۔
