نیشنل سٹیڈیم کراچی میں پاک فضائیہ کی شیر دل ٹیم نے سبز ہلالی پرچم کے رنگ بکھیرتے ہوئے پاکستانی قوم کو سلام پیش کیا۔چیمپئنز ٹرافی کا پہلا میچ پاکستان اور نیوزی لینڈ کے درمیان کراچی میں جاری ہے اور ٹیموں کے ٹاس کے موقع پر پاک فضائیہ نے شاندار فلائی پاسٹ کا مظاہرہ کیا۔اس موقع پر جے ایف 17، ایف 16 اور شیر دل شاہینوں نے پوری قوم کا لہو گرمایا۔شیر دل ٹیم نے بھرپور پیشہ ورانہ مہارت کا ثبوت دیتے ہوئے شاہین بریک کا بھی مظاہرہ کیا۔
