بھارتی میڈیا غیر ضروری پروپیگنڈا کررہا ہے کہ چیمپئنزٹرافی کےموقع پر
بھارتی پرچم کو نظر انداز کیا جا رہا ہے۔اس بات کی وضاحت کرتے ہوئےپی سی بی کا کہنا ہے کہ 15فروری سے کراچی کے نیشنل اسٹیڈیم میں تمام تر معاملات براہ راست آئی سی سی کے لوگ دیکھ رہے ہیں ہم انہیں معاونت فراہم کررہے ہیں۔پی سی بی کا کہنا ہے کہ یہ تاثر غلط ہے کہ نیشنل اسٹیڈیم میں بھارتی پرچم آویزاں نہیں کیا گیا۔ ٹورنامنٹ کی تشہیر اور برانڈنگ میں بھارتی کھلاڑیوں کو شامل کیا گیا ہے، اسٹیڈیم میں کئی جگہوں پر بھارت کا نام اور پرچم موجودہے اور ٹورنامنٹ کے پروٹوکولز کا مکمل احترام کیا جارہا ہے ۔
