“اپنے ہوم گراؤنڈ پر مہمانوں کے سامنےاس طرح جشن منانا اچھا نہیں”۔سوشل میڈیاپرپاکستانی کرکٹرزکامران اورسعودپر شدیدتنقید

سوشل میڈیاپرپاکستانی کرکٹرزکامران اورسعودپرصارفین کی شدیدتنقیدجاری ہے۔سوشل
میڈیا پر رن آؤٹ اور کھلاڑیوں کے جارحانہ انداز کی ویڈیو وائرل ہوئی اور شائقین نے پاکستانی کھلاڑیوں کے اس طرز عمل کو نامناسب قرار دیا ہے۔
واضح رہے کہ کراچی نیشنل سٹیڈیم میں سہ افریقی کپتان ٹمبا باووما نے پاکستان کے خلاف ٹاس جیت کر پہلے بیٹنگ کا فیصلہ کیا۔اننگ کے 29 ویں اوور میں جب مہمان ٹیم کا اسکور 1 وکٹ کے نقصان پر 170 رنز تھاتو ٹمبا باووما اور نان اسٹرائیک اینڈ پر کھڑے ان کے ساتھی کھلاڑی رن لینے پر الجھ گئے اور سعود شکیل کی ڈائریکٹ تھرو سے جنوبی افریقی کپتان رن آؤٹ ہوگئے۔
اس موقع پر کامران غلام اور سعود شکیل جشن مناتے ہوئے ٹمبا باووما کے سامنے آگئے اور میدان میں گرما گرمی کا ماحول دیکھنے میں آیا تاہم جنوبی افریقی کپتان خاموش کھڑے رہے اور دیگر پاکستانی کھلاڑیوں نے سعود شکیل کو دور کیا۔اس رویے پرایکس پر ایک صارف نے لکھا کہ اپنے ہوم گراؤنڈ پر کسی بیٹر کے سامنے اس طرح جشن منانا اچھا نہیں ہے۔ایک صارف نے لکھا کہ اس طرح کا سخت ردعمل دینےکی کیا ضرورت ہے؟مہمانوں کے ساتھ کچھ تو اچھا رویہ ہونا چاہیے۔