لاہور : آئی سی سی چیمپئنز ٹرافی لاہور پہنچا دی گئی،ٹرافی کو 7 فروری کو قذافی اسٹیڈیم میں سجنے والی افتتاحی تقریب میں رکھا جائے گا۔
میڈیا رپورٹس کے مطابق آئی سی سی چیمپئنز ٹرافی 11 فروری کو نیشنل اسٹیڈیم کراچی کی تقریب میں بھی رکھی جائے گی۔
ٹرافی کو 31 جنوری سے 2 فروری تک فیصل آباد،شیخوپورہ،ملتان اور بہاولپور لے جایا جائے گا۔
آئی سی سی چیمپئنز ٹرافی کو 3 فروری کو لاہور واپس لایا جائے گا اور 5 فروری کو سرگودھا بھیجا جائے گا۔
ٹرافی کو 6 فروری کو پشاور اور اسلام آباد لایا جائے گا،پاکستان میں ٹرافی ٹور کے دوسرے مرحلے کا اختتام 15 فروری کو ہو گا۔
یاد رہے کہ آئی سی سی چیمپئنز ٹرافی 19 فروری سے 9 مارچ تک پاکستان اور یو اے ای میں شیڈول ہے۔
