واقعہ بھارتی ریاست مہاراشٹرکے شہر ناگ پور میں پیش آیا
بھارتی میڈیا کے مطابق دھماکے میں 8 فیکٹری ورکرز ہلاک اور 7 زخمی ہوئے ہیں ۔بتایا جا رہا ہے کہ یہ واقعہ بھارتی ریاست مہاراشٹرا کے شہر ناگپور میں واقع اسلحہ ساز فیکٹری میں پیش آیا ۔ دھماکوں کی آواز کئی کلومیٹر تک سنی گئی۔ فائر حکام کے مطابق دھماکا اس قدر شدید تھا کہ اس سے فیکٹری کی چھت بھی نیچے آگری جس کے نیچے ورکرز دب گئے جن میں سے تین ورکرز کو زندہ نکالا گیا اور ایک ملبے تلے دب کر ہلاک ہوگیا۔ بھارتی میڈیا کے مطابق آرڈیننس فیکٹری میں دھماکا ایل ٹی پی سیکشن میں ہوا جس کی اطلاع ملتے ہی فائر بریگیڈ اور ریسکیو عملہ جائے حادثہ پر پہنچ گیا اور زخمیوں کو فوری اسپتال منتقل کیا۔
