وزیراعظم شہباز شریف کا کہنا ہے کہ ورلڈ بینک نے ہر شعبے میں پاکستان کے ساتھ تعاون کیا ہے۔
وزیراعظم شہباز شریف نے پاکستان میں ورلڈ بینک کے کنٹری پارٹنر شپ فریم ورک کی افتتاحی تقریب سے خطاب کرتے ہوئے کہا کہ عالمی بینک کے ساتھ پاکستان کی شراکت داری مضبوط ہے،ورلڈ بینک کے ساتھ طویل المدتی شراکت داری کے فریم ورک کا اجرا کر رہے ہیں۔
انہوں نے بتایا کہ ورلڈ بینک آئندہ 10 برس میں 20 ارب ڈالر کی سرمایہ کاری کرے گا،ورلڈ بینک نے ہر شعبے میں پاکستان کے ساتھ تعاون کیا،شراکت داری فریم ورک سے آئی ٹی شعبے میں بھی ترقی ہو گی۔
شہباز شریف کا کہنا تھا کہ ورلڈ بینک نے ہائیڈل اور توانائی سمیت دیگر اداروں میں اصلاحات لانے کیلئے تعاون کیا،جو اصلاحات آج ہو رہی ہیں وہ دہائیوں پہلے ہونی چاہیے تھیں،کرپشن کے خاتمے سے فنڈز تعلیم،صحت اور دیگر شعبوں کو میسر ہوں گے۔
