سیاسی جماعتوں اور سیاستدانوں پر تنقید کریں،معیشت پر تنقید سے سب کو نقصان ہوتا ہے،عطاء اللہ تارڑ

اسلام آباد : وفاقی وزیر اطلاعات عطاء اللہ تارڑ نے کہا کہ ملک میں سیاسی استحکام بہت ضروری ہے۔

عطاء اللہ تارڑ نے میڈیا سے گفتگو کرتے ہوئے کہا کہ اُڑان پاکستان پروگرام میں کھیل بھی شامل ہے،چیمپئنز ٹرافی پاکستان میں ہو رہی ہے،محسن نقوی نے بطورِ چیئرمین پی سی بی بہت اچھے کام کیے ہیں۔

وفاقی وزیر اطلاعات کا کہنا تھا کہ اسپورٹس مین شپ ہر شعبے میں ہونی چاہیے،انٹرنیٹ کی رفتار میں بہتری آئی ہے،دنیا میں سستا ترین انٹرنیٹ پاکستان میں ہے۔

انہوں نے کہا کہ کھیل کو سیاست اور سیاست میں کھیل کو شامل نہیں کرنا چاہیے،معاشی اشاریے مثبت آ رہے ہیں،مذاکرات اب تک مثبت سمت جا رہے ہیں،مل بیٹھ کر بات چیت سے مسائل کا حل تلاش کیا جا سکتا ہے۔

عطاء اللہ تارڑ کا کہنا تھا کہ سیاسی جماعتوں اور سیاستدانوں پر تنقید کریں،معیشت پر تنقید سے سب کو نقصان ہوتا ہے،اب تو بانی پی ٹی آئی نے بھی کہہ دیا ہے کہ معیشت مستحکم ہو گئی۔