پاکستان کا مستقبل آئین کی بالادستی، آزاد عدلیہ اور صحافت سے وابستہ ہے۔بلاول بھٹو
چیئرمین پیپلز پارٹی بلاول بھٹوزردار کا کہنا تھا کہ پاکستان اب ایک اور مارشل لا کا متحمل نہیں ہوسکتا، پاکستان کا مستقبل آئین کی بالادستی، آزاد عدلیہ اور صحافت سے وابستہ ہے۔بلاول نے کہا کہ والدہ نے بدلہ لینا نہیں سکھایا،اسی لیے کہتا ہوں جمہوریت بہترین انتقام ہے، بے نظیر بھٹو کی زندگی پاکستان کا مستقبل بہتر بنانے کیلئے صرف ہوئی۔ بلاول بھٹو نے آکسفورڈ یونیورسٹی میں لیکچر دیتے ہوئے کہا کہ عورتوں پر عائد پابندیوں کے باوجود بے نظیر بھٹو ملک کی وزیراعظم بنیں، آج پنجاب کی وزیر اعلیٰ بھی ایک خاتون ہیں۔آکسفورڈ یونیورسٹی کے صدراسرار خان کے سوال جواب کی نشست میں بلاول بھٹو نے گفتگو میں کہا کہ نیب ڈریکونین لا ہے ہم اس کے آج بھی مخالف ہیں۔
