پہلی وائلڈ لائف فورس بناکرخواتین کو اس کا حصہ بنایا۔اس سے جنگلی حیات کے تحفظ میں بڑی مدد ملے گی۔مریم نواز شریف
پنجاب کو جنگلات اور جنگلی حیات کے تحفظ اور فروغ کا رول ماڈل بنائیں گے۔وزیر اعلیٰ پنجاب
وزیر اعلیٰ پنجاب مریم نواز شریف نے جنگلی حیات کے عالمی دن کے موقع پراپنے پیغام میں کہاکہ پنجاب کو جنگلات اور جنگلی حیات کے تحفظ اور فروغ کا رول ماڈل بنائیں گے۔پنجاب میں جنگلات اور جنگلی حیات کے تحفظ کے لئے جامع اقدامات ہمارے عزم کا واضح ثبوت ہے۔ان کاکہناتھاکہ پہلی حکومت ہے جو انسانوں کے علاوہ جانوروں کے حقوق کے احترام اور تحفظ کی اسلامی تعلیمات اور قانونی تقاضوں پر عمل کرا رہی ہے۔ایک سال کے دوران پورے پنجاب میں جانوروں پر تشدد، ایزا رسانی، غیرقانونی تحویل اور شکار پر سخت ترین اقدامات ہوئے ہیں۔پہلی بار جانوروں کے حقوق اور تحفظ کے قانون کو جامع اور رولز کو موثر بنایا گیا ہے۔جنگلی جانوروں اور پرندوں کے غیر قانونی شکار پر جرمانے اور مقدمات درج ہوئے ہیں۔پنجاب کی پہلی وائلڈ لائف فورس بنائی اورخواتین کو اس کا حصہ بنایاہے۔جنگلی حیات کے تحفظ میں بڑی مدد ملے گی۔
