افغانستان میں موجود امریکی اسلحے کی وجہ سے پاکستان میں حملوں میں شدت آئی ہے
وزیر دفاع خواجہ آصف نے کہا ہے کہ دہشت گردی کے پیچھے بھارت کا کھلا ہاتھ ہے۔ان کا کہناتھاکہ افغانستان میں موجود بھارتی قونصل خانوں کے بارے میں ثبوت انہوں نے خود افغان طالبان کے حوالے کیے ہیں۔ایک نجی ٹی وے گفتگو کے دوران انہوں نے کہا کہ ٹرمپ حکومت سے پاکستانی حکومت کے رابطے ٹھیک ہیں، پاک امریکا تعلقات ایک شخص یا پارٹی تک محدود نہیں۔وزیر دفاع نے مزید کہا کہ بھارت صرف پاکستان نہیں، امریکا اور کینیڈا میں بھی دہشتگردی ایکسپورٹ کررہا ہے۔خواجہ آصف نے کہا کہ افغانستان میں موجود امریکی اسلحے کی وجہ سے پاکستان میں حملوں میں شدت اور جانی نقصان زیادہ ہو رہاہے۔
