فیصل آباد موٹروے کے قریب ایک خاتون کے ساتھ ڈاکوؤں کی اجتماعی زیادتی کا افسوسناک واقعہ پیش آیاہے۔متاثرہ خاتون کے شوہر کے مطابق ڈاکوؤں نے اسلحے کے زور پر ہمیں علاقہ چنن کے قریب روکا اور مجھے درخت کے ساتھ باندھ کربیوی کو زیادتی کا نشانہ بنایا اور موبائل فونز اور نقدی چھین کر فرار ہو گئے۔پولیس کے مطابق خاتون کا میڈیکل اورجائے وقوعہ کا جیو فارنزک کرا لیا گیا ہے اور6 مشتبہ افراد کو حراست میں لے کر تفتیش کی جا رہی ہے۔پولیس کے مطابق مدعی مقدمہ نے ایک ملزم کی نشاندہی بھی کی ہے، متاثرہ خاتون کے شوہر نے علی شیر نامی ملزم کوبھی نامزدکیا ہے۔پولیس کے مطابق اجتماعی زیادتی کا یہ واقعہ موٹر وے کے قریب ساندل بار میں دو روز قبل پیش آیا ااوراس کا مقدمہ تین افراد کے خلاف درج کیا گیا ہے۔
