تھیٹر معاشرتی اقدار کی عکاسی اورشعورفراہم کرتا ہے،فنکاروں کی فلاح و بہبود کے لیے آرٹسٹ فنڈ قائم کر دیاہے۔مریم نوازشریف

وزیر اعلیٰ پنجاب مریم نواز شریف نے تھیٹر کے عالمی دن پراپنے پیغام میں کہاہے کہ تھیٹر فن و ثقافت کا آئینہ دار ہے- تھیٹر معاشرتی اقدار کی عکاسی اورشعور بھی فراہم کرتا ہے۔ باشعور اور ترقی یافتہ معاشرے میں معیاری تھیٹر کو باوقار مقام حاصل ہوتاہے۔پنجاب حکومت تھیٹر کی اپ گریڈیشن کے لیے اقدامات کر رہی ہے۔تھیٹر کو مثبت اور باوقار تفریح کا ذریعہ بنانے کے لیے اقدامات کئے جارہے ہیں-ان کاکہناتھاکہ فنکاروں کی فلاح و بہبود کے لیے آرٹسٹ فنڈ قائم کر دیا گیا ہے-مریم نوازنے کہاکہ فن اور فنکار کی فلاح وبہبود ترجیحات میں شامل ہے۔تھیٹر کو بحال کر کے فن و ثقافت کی ترویج کیلئے بہترین ذریعہ بنائیں گے۔ تھیٹر پاکستان کے مثبت تشخص اور تہذیبی ورثے کے فروغ میں نمایاں کردار ادا کرسکتا ہے۔